zum letschte mal februar das jahr
und scho isch er verbii , isch ja au än sehr än churze monät
no ein tag und dänn isch märz 2007 und alles isch ganz "normal" wie immer
ich mag mich no guet drah erinnerä ( lang isches här ) ... da isch 1984 science fiction gsi
spätischtens im jahr 2000 flüged all zur arbät i mega städt und s'git überall roboter
und...? s'einzig würkli sci-fi ding isch s'klapp-handy vom cptn kirk inspiriert
und natürli di coolä,billige und schnälle compis hätts do no nöd gä
was mich imenä näbesatz no uf was ganz anderes bringt
ich bin bim surfe bi dä frag was isch s'web2.0 ? druff gstosse
d'journis sind so kritisch und scho fascht ihfersüchtig uf d'blogger's will
mir sind ganz eifach schneller mit textä und bis ihres zeugs i dä zitig druckt isch
häm mir home-made journis scho äs neus thema und ä neui story uf dä bildschirm zauberet
tja ... frühener wäri das science-fiction gsi und hütt isches min alltag im cooltv-studio
so und mit däre grafische wälle chömed mir zrugg zu mim hüttige thema
am mittwuch isch uf rtl 2 sci-fi abig mit stargate und andromeda
stargate isch mitem "mac gyver" als colonel jack o'neill
d' folg hütt abig isch leider ä wiederholig
däfür gits grad zwei hinderenand

eigentlich wärs no ä cooli seriä aber ...
s'eländ isch ihres militär gehabe mit ihrne knarre
das find ich total unsympatisch und ächli unglaubwürdig
bi däm link ufem bild gits au no äs paar infos zu dä andromeda
das isch diräkt nach stargate di nächschti sci-fi seriä uf rtl 2 hütt abig
mitem ehemalige "hercules" kevin sorbo als dä cptn dylan hunt
isch quasi äs erbe vom gene roddenberry, dä vo star trek

das isch d'andromeda ascendant sie chunt grad usem slip-stream
wobi d'moral vo dä gschicht isch öfters doch sehr heftig
bim nettä cptn dylan hunt und sinäre coolä crew
wänns dänn muess si macht er au mal än
präventivschlag miterä mega bombe
und löscht so än ganze planet us
was mich zu dä "wraith" mit link 3 bringt
 
das isch atlantis i dä pegasus galaxie
  und d'wraith sind di böse "geister" bi stargate-atlantis
lauft im moment grad nöd ... leider, aber s'passt zum thema sci-fi
und ich han grad letschthin drüber referiert um was es so gaht bi atlantis
di böse wraith "ässed" mänsche wiä mir rind fleisch oder güggeli
und das bringt mich ufs eigentliche thema vom hüttige blog
wiä wärded mir mänsche reagierä i dä zuekunft
wänn öpper mächtiger isch als mir sälber
wirds terminator & matrix-mässig
maschine gäge mänsche ?
oder wirds besser ?
frage über
frage
...
aber ebä
nach eus d'zuekunft
diä wirds zeige wiäs isch und wird
ich freu mich uf d'roboter und di usserirdischä
und natürli uf än schöne märz trotz klima katastrophe